Væntanleg verðlækkun á mannslífum II

Jæja ég er búinn að vera að vinna mikið og ekki haft orku til að skrifa undanfarið, en í dag ætla ég að bæta úr því.

Ég rakst á grein á The Guardian í dag, þar sem verið er að tala um að eitt af næstu skrefum bandaríkjamanna í stríðsmálum, að hervæða geiminn. Setja á braut um jörðu mörg gerfitungl hlaðin einhverskonar vopnum. Einmitt, jörðin er greinilega ekki nógu stór fyrir þessa menn. Og það er líklegt að Bretar dragist inn í þetta með þeim, ótrúlegt.

Merkilegt nokk þá sáu menn þetta fyrir sér fyrir mörgum árum. 10 október 1967 var undirritaður samningur um það að geimurinn ætti að vera vopnalaus og friðsæll staður, engin vopn.

Brot úr lýsingu af samningnum:
"it contains an undertaking not to place in orbit around the Earth, install on the moon or any other celestial body, or otherwise station in outer space, nuclear or any other weapons of mass destruction"

Frábær framsýni hjá þeim þarna 1967.

En ég er nokkuð viss um að þjóð með "leiðtoga" eins og Bush lætur nú ekki svona smáhluti eins og þennan samning trufla sig, þjóð sem virðir ekki Genfarsáttmálann nema það henti henni, þjóð leidd af manni sem telur sig heyra rödd guðs og getur varla komið upp orði af viti án hjálpar.

Fyrir rúmu ári síðan skrifaði ég grein um væntanlega verðlækkun á mannslífum, og benti þar á möguleikann á því að bandaríkjamenn myndu þróa leysigeislavopn sem hægt væri að nota í "stríðum" þeirra. Vonum bara að þeir setji ekki þessi vopn á braut um jörðu því að þá verður virkilega ódýrt fyrir þá að drepa okkur hin.

Tjáðu þig!