Lífið...

Jæja kæri lesandi, ég hef ekki verið duglegur að skrifa undanfarið, enda hefur verið mikið að gera í vinunni og svo framvegis.... En í dag ætla ég að reyna að bæta úr því, með einhverju áhugaverðu. Í dag varð fyrir valinu lífið, frekar erfitt umræðuefni en ég ætla að reyna. Það sem allir virðast þrá meira en allt annað eru PENINGAR, þessi exelsír af eilífri hamingju sem við flest eltumst við og trúum að muni gefa okkur það sem við leitum að.

En merkilegt nokk með hverju árinu sem líður, og með hverju sólsetrinu sem sest, fer ég að halda að þetta sé ekki alveg málið, peningar... Ég er ekki alveg viss lengur um að $$$ séu það sama og hamingja, og eftir því sem árin líða þá fer maður að safna saman minningum, góðum og slæmum, og ótrúlegt en satt þá eru þær bestu sjaldan tengdar peningum.

Bestu minningarnar eru yfirleitt tengdar einhverju einföldu. Til dæmis því að lesa góða bók, vera í góðra vina hópi eða bara að gera eitthvað gott fyrir einhvern, hlutir sem kosta yfirleitt ekki mikið, en gefa meira af sér en nýjasta tískuæðið. Ég veit að þetta hljómar örugglega frekar væmið, en svona finnst mér þetta bara vera... Spáðu í því, hvenær leið þér síðast virkilega vel, var það þegar þú keyptir eitthvað sem þér fannst þú þurfa, eða þegar þú gerðir/sagðir eitthvað fallegt fyrir/við einhvern...
Og hvort gaf þér meira?

Það er nú sjaldan sem ég skrifa eitthvað svona, en þetta er bara svo skemmtilega satt, lífið er ferðalag og hvað á maður að gera sem túristi í þessu ferðalagi, eyða tímanum sínum í loftkældum verslunarmiðstöðum kaupandi eitthvað sem maður hefur ekki alveg efni á, eða bara skemmta sér og reyna að gera þetta að sannkallaðri ævintýra ferð?

Ég bara spyr, sem túristi...
Hvað finnst þér?

Geiri3D skrifaði 25.09.04 00:01 | (Tracback)