Eitthvað til að glápa á

Ég er næstum hættur að nenna að horfa á sjónvarp, eða réttara sagt sjónvarpsstöðvar. Ég nenni ekki að fylgjast með því klukkan hvað einhver þáttur er sem mig langar að sjá, það er líka alltaf verið að færa þætti fram og til baka, maður veit aldrei hvenær þeir eru sýndir, og svo eru auglýsingar... ég hef hreinlega ekki tíma í svona vesen.

Ég er samt ekki alveg hættur að glápa á sjónvarp, ég horfi kannski á einn og einn leik í Enska Boltanum, kíki á Fréttir eða Survivor. Fyrir utan það þá glápi ég á allt á DVD eða fæ það lánað einhverstaðar.

Ég ætla að mæla með tveimur sjónvarpsseríum sem ég hef verið að glápa á. En þessar seríur eru alveg frábærar ef að þú fílar Science Fiction.

The 4400

Stutt mínísería(5 þættir) í anda X-files. Þættirnir fjalla um 4400 manns sem hafa verið tekin af geimverum og er dag einn skilað aftur til jarðar. Þættirnir snúast svo um hvernig þessu fólki gengur að aðlagast lífi á jörðinni aftur, og sérstakri rannsóknardeild sem fylgist með þeim. Þegar líða tekur á seríuna fara ýmsir hlutir að koma í ljós, og dularfullir hæfileikar þeirra 4400 sem snéru aftur virðast engar takmarkanir hafa.
Mæli 100% með þessum þáttum.

Stargate SG1

Hver man ekki eftir kvikmyndinni Stargate, með James Spader og Curt Russel. Þessi þættir taka við þar sem sú mynd endaði, ég gaf þessum þáttum aldrei tækifæri á sínum tíma, og núna er búið að gera 8 seríur og ég geri varla annað en að glápa á þá. Maður þarf að gefa þessum þáttum smá séns, horfa á fyrstu 7-8 þættina og þá er maður kominn með SG1 vírusinn.
Frábærir þættir sem nóg er til af.

Tjáðu þig

Geiri3D skrifaði 16.09.04 13:50 | (Tracback)