Framtíðarbiti

Jæja ég hef nokkrum sinnum skrifað greinar um framtíðina og er hægt að lesa þær með því að smella á þær hérna að neðan:

Ofurþróun
Meira um framtíðina
og
Framtíðin er næstum núna

Í dag ætla ég að skrifa aðeins meira um komandi tíma, ég rakst nefnilega á skemmtilega grein á news.com og er þar verið að fjalla um vélmenni sem verið er að þróa í London. Vélmenni þetta heitir því frumlega nafni "EcoBot II", ég hefði nú frekar kallað það "Insector Glucose" sökum þess að þetta vélmenni "lifir" á flugum, það étur flugur og meltir úr þeim sykurinn til að framleiða rafmagn sem knýr það síðan áfram.

Vélmenni eins og þetta eru hugsuð sem "sleppa og gleyma", til notkunar á hættulegum stöðum, td. geislavirkum svæðum sem mannfólk getur ekki unnið á. Hugsunin er að svona vélmenni eigi þá að fara inn á viðkomandi svæði og sinna ákveðnum störfum og geta séð um sig sjálf.

Þetta finnst mér frekar skrýtin pæling, ekki það að láta vélmenni sinna hættulegum störfum, heldur að hanna vélmenni sem éta/nærast á lifandi hlutum. Auðvitað hugsar maður að vélmenni sem lifir á flugum/skordýrum sé allt í lagi, en hvað með í framtíðinni, þegar búið er að þróa nokkrar kynslóðir af svona vélmennum, þegar þau eru orðin stærri og gáfaðri, og þurfa meiri "næringu"...

Hvað finnst þér..?

Geiri3D skrifaði 09.09.04 14:40 | (Tracback)