Hver var John Titor..?

Í nóvember árið 2000 fór manneskja sem kallaði sig Timetravel_0 og seinna meir John Titor að skrifa í spjallvef að hann væri tímaferðalangur, kominn frá árinu 2036. Titor skrifaði mikið og birti meðal annars myndir af tímavélinni og teikningar úr handbókinni sem fylgdi henni. Myndir sem ég læt fylgja hér að neðan. Einnig svaraði John næstum öllum spurningum sem hann var spurður.

Eftir því sem að tíminn leið fóru fleiri að trúa sögu hans, og spyrja hann um hluti eins og af hverju hann væri hérna núna og um tæknina á bak við tímavélina sem hann notaði. Svörin sem hann gaf voru bæði áhugaverð og skelfileg. Í mars 2001 tilkynnti Titor að hann væri að fara aftur til síns tíma og skömmu síðar heyrðist ekkert frá honum aftur.

Þó svo að það sé auðvelt að trúa því að þetta hafi bara verið einhver gaur að leika sér, þá er eitthvað við sögu John Titors sem fær marga til að trúa henni, sérstaklega hlutir sem John spáði fyrir um að mundu gerast og virðast vera að rætast.

Fyrir þau ykkar sem viljið lesa meira um sögu John Titor þá bendi ég á þessar heimasíður:

JohnTitor.com
Fyrsti spjallþráðurinn sem John skrifaði á
Annar spjallþráður um tímaferðalög

Ég hef persónulega enga skoðun á þessu öllu saman, nema það að þetta er skemmtileg lesning, og þess vegna bendi ég ykkur á að kíkja á johntitor.com og lesa það sem hann skrifaði, það er í það minnsta ágætis skáldsaga :o)

Hvað heldur þú?

Geiri3D skrifaði 16.08.04 10:17 | (Tracback)