Af djöflum

Ég horfði á myndina Hellboy í gær, ágætis ræma sem ég mæli eindregið með. Ron Perlman fer á kostum sem Hellboy og Selma Blair er alveg þokkaleg líka. Svo er myndin full af fínum tæknibrellum. Ég hef að vísu ekki lesið teiknimyndasögurnar sem myndin er byggð á, en mun að öllum líkindum koma við í Nexus á eftir og kaupa nokkur stykki.

En að öðrum djöflum.
Í Groena Lund skemmtigarðinum í Svíþjóð varð unglingur fyrir því óhappi að detta næstum út úr Parísarhjóli sem var í garðinum, unglingurinn hafði einhvernvegin losnað og runnið til, og hékk utan í sætinu sínu, í 10 metra hæð yfir skemmtigarðinum. Hjólið var stoppað og þá kom honum til bjargar enginn annar en myrkahöfðinginn sjálfur, eða svona næstum því. Nefnilega maður að nafni Pereira sem vinnur í garðinum klæddur sem djöfullinn sjálfur, og er lærður loftfimleikamaður. Pereira tók sig til og kleif Parísarhjólið og lyfti unglingnum aftur í sætið sitt.
Helvíti flott hjá honum.

Nánar: Frétt tekin af Associated Press.

Tjáðu þig.