419

Ef það er eitthvað sem ég hata meira en ruslpóstur, þá er það Nígerískur ruslpóstur. Núna um daginn fékk ég fyrsta Nígeríska emailið mitt, og auðvitað var verið að reyna að plata mig til að senda peninga. Það kannast flestir við svona email, flestir sem ég þekki hafa fengið nokkur svona bréf, svo að ég ákvað að gera þessum Nígeríumanni grikk, og vonandi yrði þetta honum að lexíu.

En hvernig væri best að gera það..?
Mér datt í hug að fíflast í honum og skrá hann á klámpóstlista eða reyna að draga hann á asnaeyrunum. En að lokum fann ég www.419eater.com, en 419 er einmitt heitið á lögum sem ná yfir svona peningasvindl. 419eater.com er síða sem tekur á móti svona emailum, og sér um að fíflast í viðkomandi fyrir þig, þér að kostnaðarlausu.

Sem dæmi um hve vel hefur tekist til að plata þessa heimsku Nígeríumenn(tek það fram að ég er að tala um þá sem stunda svona pretti, ekki þjóðina) þá hefur þeim á 419eater.com tekist að fá menn til að senda þeim myndir af sér með brauðhleifa á hausnum og vínflöskur í eyrunum svo dæmi sé nefnt.

"Ekki mjög gáfulegur þessi..."

Fyrir þau ykkar sem viljið lesa sögur af þessum "snillingum" þá mæli ég með þessari síðu.
VARÚÐ GETUR VALDIÐ ÓSTÖÐVANDI HLÁTRI :o)

Hvað fannst þér svo?

Geiri3D skrifaði 17.11.03 18:23 | (Tracback)