Vandræði með kynlífsvélmenni...

Í dag ætla ég að skrifa um aðra B-mynd sem er í miklu uppáhaldi hjá mér, en það er myndin Cherry 2000. Ég er nebbilega alveg viss um að þessi snilldarmynd hafi farið fram hjá mörgum, og ákvað sökum þess að skrifa smá grein um hana.

Myndin gerist í framtíðinni, í svona nettum Mad Max fíling, og fjallar um Sam sem er venjulegur skrifstofugaur, sem á gullfallega konu, sem er reyndar kynlífsvélmenni(cherry 2000 týpa), og kvöld eitt bilar Cherry, væntanlega eftir áralanga misnotkun :)
Og þá hefst ævintýrið.

Fyrir þá sem halda að þetta sé bara venjuleg B-mynd, þá er það alrangt, því að í aðalhlutverki er engin önnur en Melanie Griffith, og er alveg frábært að sjá hana í svona mikilli B-mynd :)
Hún leikur E. Johnson sem er tracker (leitari) sem Sam ræður til að finna fyrir sig varahlut í Cherry sína. Þau lenda svo auðvitað í hópi af brjálæðingum sem Lester (leikinn af Tim Thomerson konungi B-myndana) fer fyrir. Auðvitað fer svo að E. Johnson fer að verða ástfanginn af Sam og ...
...en ég vil ekki skemma neitt fyrir neinum, svo að þið verðið bara að kíkja á þessa snilldarmynd :)

Til að þið fáið smá fíling úr myndinni þá er hér stutt sýnishorn:
------>Smellið hér til að horfa á stutt brot úr Cherry 2000.
Ath. að ef að þú ert ekki með hraða internet tengingu,
þá er bara að hægri smella á linkinn og gera save as...

Og svo nokkar still myndir:
Mynd 1
Mynd 2
Mynd 3

Geiri3D skrifaði 10.06.03 17:04 | (Tracback)